İordaniya Universitetində fiziki qüsurlu tələbələr üçün yaradılmış kompüter laboratoriyası

2015-ci ildə Agentlik tərəfindən İordaniya Universitetində təhsil alan fiziki qüsurlu (eşitmə və nitq qüsurlu, görmə qabiliyyətindən məhrum və əlil arabalarına məhkum olan) tələbələrin istifadəsi üçün xüsusi avadanlıqlarla təchiz olunmuş kompüter laboratoriyası istifadəyə verilmişdir. Xüsusi avadanlıqlarla təchiz olunmuş laboratoriya fiziki qüsurlu gənclər üçün bərabər təhsil imkanlarının təmin olunması məqsədilə yaradılmışdır. Kompüter laboratoriyası fiziki qüsurlu tələbələrə təhsillərini davam etdirib professional kimi yetişməyə, həmçinin psixoloji olaraq universitet həyatına uyğunlaşmağa və universitetin tələblərini qarşılamağa imkan yaradır.